॥ दोहा ॥
॥ श्री पंचमुखी हनुमान कवच आरती ॥
॥ चौपाई ॥
अथ ध्यानं प्रवक्ष्यामि श्रृणुसर्वाङ्गसुन्दरि ।
यत्कृतं देवदेवेन ध्यानं हनुमतः प्रियम् ॥ 1॥
पञ्चवक्त्रं महाभीमं त्रिपञ्चनयनैर्युतम् ।
बाहुभिर्दशभिर्युक्तं सर्वकामार्थसिद्धिदम् ॥ 2॥
पूर्वं तु वानरं वक्त्रं कोटिसूर्यसमप्रभम् ।
दन्ष्ट्राकरालवदनं भृकुटीकुटिलेक्षणम् ॥ 3॥
अस्यैव दक्षिणं वक्त्रं नारसिंहं महाद्भुतम् ।
अत्युग्रतेजोवपुषं भीषणं भयनाशनम् ॥ 4॥
पश्चिमं गारुडं वक्त्रं वक्रतुण्डं महाबलम् ॥
सर्वनागप्रशमनं विषभूतादिकृन्तनम् ॥ 5॥
उत्तरं सौकरं वक्त्रं कृष्णं दीप्तं नभोपमम् ।
पातालसिंहवेतालज्वररोगादिकृन्तनम् ॥ 6॥
ऊर्ध्वं हयाननं घोरं दानवान्तकरं परम् ।
येन वक्त्रेण विप्रेन्द्र तारकाख्यं महासुरम् ॥ 7॥
जघान शरणं तत्स्यात्सर्वशत्रुहरं परम् ।
ध्यात्वा पञ्चमुखं रुद्रं हनुमन्तं दयानिधिम् ॥ 8॥
खड्गं त्रिशूलं खट्वाङ्गं पाशमङ्कुशपर्वतम् ।
मुष्टिं कौमोदकीं वृक्षं धारयन्तं कमण्डलुम् ॥ 9॥
भिन्दिपालं ज्ञानमुद्रां दशभिर्मुनिपुङ्गवम् ।
एतान्यायुधजालानि धारयन्तं भजाम्यहम् ॥ 10॥
प्रेतासनोपविष्टं तं सर्वाभरणभूषितम् ।
दिव्यमाल्याम्बरधरं दिव्यगन्धानुलेपनम् ॥ 11॥
सर्वाश्चर्यमयं देवं हनुमद्विश्वतोमुखम् ।
पञ्चास्यमच्युतमनेकविचित्रवर्णवक्त्रं
शशाङ्कशिखरं कपिराजवर्यम ।
पीताम्बरादिमुकुटैरूपशोभिताङ्गं
पिङ्गाक्षमाद्यमनिशं मनसा स्मरामि ॥ 12॥
मर्कटेशं महोत्साहं सर्वशत्रुहरं परम् ।
शत्रु संहर मां रक्ष श्रीमन्नापदमुद्धर ॥ 13॥
ॐ हरिमर्कट मर्कट मन्त्रमिदं
परिलिख्यति लिख्यति वामतले ।
यदि नश्यति नश्यति शत्रुकुलं
यदि मुञ्चति मुञ्चति वामलता ॥ 14॥
इदं कवचं पठित्वा तु महाकवचं पठेन्नरः ।
एकवारं जपेत्स्तोत्रं सर्वशत्रुनिवारणम् ॥ 15॥
द्विवारं तु पठेन्नित्यं पुत्रपौत्रप्रवर्धनम् ।
त्रिवारं च पठेन्नित्यं सर्वसम्पत्करं शुभम् ॥ 16॥
चतुर्वारं पठेन्नित्यं सर्वरोगनिवारणम् ।
पञ्चवारं पठेन्नित्यं सर्वलोकवशङ्करम् ॥ 17॥
षड्वारं च पठेन्नित्यं सर्वदेववशङ्करम् ।
सप्तवारं पठेन्नित्यं सर्वसौभाग्यदायकम् ॥ 18॥
अष्टवारं पठेन्नित्यमिष्टकामार्थसिद्धिदम् ।
नववारं पठेन्नित्यं राजभोगमवाप्नुयात् ॥ 19॥
दशवारं पठेन्नित्यं त्रैलोक्यज्ञानदर्शनम् ।
रुद्रावृत्तिं पठेन्नित्यं सर्वसिद्धिर्भवेद्ध्रुवम् ॥ 20॥
निर्बलो रोगयुक्तश्च महाव्याध्यादिपीडितः ।
कवचस्मरणेनैव महाबलमवाप्नुयात् ॥ 21॥
॥ दोहा ॥
॥ इति श्रीसुदर्शनसंहितायां श्रीरामचन्द्रसीताप्रोक्तं श्रीपञ्चमुखहनुमत्कवचं सम्पूर्णम् ॥
|| Doha ||
॥ Shri Panchamukhi Hanuman Kavach ॥
|| Chaupai ||
Atha dhyanam pravakshyami shrunu sarvanga sundari।
Yat kritam deva devena dhyanam Hanumatah priyam॥1॥
Panchavaktram mahabhimam tripancha nayanairyutam।
Bahubhir dashabhir yuktam sarva kamartha siddhidam॥2॥
Purvam tu vanaram vaktram koti surya samaprabham।
Damshtra karala vadanam bhrikuti kutila ikshanam॥3॥
Asyaiva dakshinam vaktram Narasimham mahadbhutam।
Atyugra tejo vapusham bhishanam bhaya nashanam॥4॥
Pashchimam Garudam vaktram vakra tundam mahabalam।
Sarva naga prashamanam visha bhutadikritanam॥5॥
Uttaram Saukaram vaktram krishnam diptam nabhopamam।
Patala simha vetala jvara rogadi kritanam॥6॥
Urdhvam Hayananam ghoram danavantakaram param।
Yena vaktrena Viprendra Tarakakhyam Mahasuram॥7॥
Jaghana sharanam tat syat sarva shatru haram param।
Dhyatva Panchamukham Rudram Hanumantam Dayanidhim॥8॥
Khadgam Trishulam Khatvangam Pasham Ankushaparvatam।
Mushtim Kaumodakim Vriksham Dharayantam Kamandalum॥9॥
Bhindipalam Jnana Mudram Dashabhir Muni Pungavam।
Etany Ayudha Jalani Dharayantam Bhajamyaham॥10॥
Pretasanopavishtam Tam Sarvabharana Bhushitam।
Divya Malyambara Dharam Divya Gandhanulepanam॥11॥
Sarvashcharyamayam Devam Hanumad Vishvatomukham।
Panchasyam Achyutam Aneka Vichitra Varna Vaktram
Shashanka Shikharam Kapiraja Varyam।
Pitambaradi Mukutairupa Shobhitangam
Pingaksham Adyam Anisham Manasa Smarami॥12॥
Markatesham Mahotsaham Sarva Shatru Haram Param।
Shatrun Samhara Mam Raksha Shrimann Apadam Uddhara॥13॥
Om Hari Markata Markata Mantram Idam
Parilikhyati Likhyati Vama Tale।
Yadi Nashyati Nashyati Shatru Kulam
Yadi Munchati Munchati Vama Lata॥14॥
Idam Kavacham Pathitva Tu Mahakavacham Pathen Narah।
Ekavaram Japet Stotram Sarva Shatru Nivaranam॥15॥
Dvivaram Tu Pathen Nityam Putra Pautra Pravardhanam।
Trivaram Cha Pathen Nityam Sarva Sampatkaram Shubham॥16॥
Chaturvaram Pathen Nityam Sarva Roga Nivaranam।
Panchavaram Pathen Nityam Sarva Loka Vashankaram॥17॥
Shadvaram Cha Pathen Nityam Sarva Deva Vashankaram।
Saptavaram Pathen Nityam Sarva Saubhagya Dayakam॥18॥
Ashtavaram Pathen Nityam Ishta Kamartha Siddhidam।
Navavaram Pathen Nityam Raja Bhogam Avapnuyat॥19॥
Dashavaram Pathen Nityam Trailokya Jnana Darshanam।
Rudravrittim Pathen Nityam Sarva Siddhir Bhaved Dhruvam॥20॥
Nirbalo Rogayuktashcha Mahavyadhyadi Piditah।
Kavacha Smaranenaiva Mahabalam Avapnuyat॥21॥
|| Doha ||
॥ Iti Shri Sudarshana Samhitayam Shri Ramachandra Sita Proktam Shri Panchamukha Hanumat Kavacham Sampurnam ॥
