॥ दोहा ॥
सावन आयो अति भलो, बरसत रिमझिम नीर।
इंद्रेश झूले कदम पर, राधा संग यदुवीर॥
॥ चौपाई ॥
झूलन आयो रे नवल किशोर, हिंडोले राधा संग।
बरसत प्रेम उमंग, छायो घटा घनघोर॥
झूलन आयो रे नवल किशोर॥
कदम की डार हिंडोला डारो, रेशम की है डोरी।
झूला झूले सांवरो, संग में वृषभानु किशोरी॥
सखियाँ गावें मल्हार सुहानी, नाचे मन का मोर।
झूलन आयो रे नवल किशोर॥
मंद सुगंध समीर चलत है, फुहारें सुखदाई।
श्याम सलोनी सूरत पे, राधा मुख मुसकाई॥
पीतांबर लहराय कान्हा को, ओढ़े चुनर झकोर।
झूलन आयो रे नवल किशोर॥
इंद्रेश कहे ये युगल झांकी, नयनों में बस जाए।
झूलन उत्सव जो भी देखे, जीवन धन्य बनाए॥
जय जय श्री राधे बरसाने, नंदलाल चितचोर।
झूलन आयो रे नवल किशोर॥
॥ दोहा ॥
हिंडोले झूलत युगल छबि, निरखत सुर नर मुनि।
इंद्रेश मगन भयो देख के, जय जय बांके धनी॥