॥ पावन पाठ ॥
ब्रह्मादि देवताओं द्वारा भगवान विष्णु का आव्हान, जिसके बाद भगवान विष्णु ने प्रभु श्री राम के अवतार की घोषणा की। यह छंद तुलसीदास रचित रामचरित मानस के बालकाण्ड से ली गई स्तुति है।
जय जय सुरनायक जन सुखदायक प्रनतपाल भगवंता ।
गो द्विज हितकारी जय असुरारी सिधुंसुता प्रिय कंता ॥
पालन सुर धरनी अद्भुत करनी मरम न जानइ कोई ।
जो सहज कृपाला दीनदयाला करउ अनुग्रह सोई ॥
जय जय अबिनासी सब घट बासी ब्यापक परमानंदा ।
अबिगत गोतीतं चरित पुनीतं मायारहित मुकुंदा ॥
जेहि लागि बिरागी अति अनुरागी बिगतमोह मुनिबृंदा ।
निसि बासर ध्यावहिं गुन गन गावहिं जयति सच्चिदानंदा ॥
जेहिं सृष्टि उपाई त्रिबिध बनाई संग सहाय न दूजा ।
सो करउ अघारी चिंत हमारी जानिअ भगति न पूजा ॥
जो भव भय भंजन मुनि मन रंजन गंजन बिपति बरूथा ।
मन बच क्रम बानी छाड़ि सयानी सरन सकल सुर जूथा ॥
सारद श्रुति सेषा रिषय असेषा जा कहुँ कोउ नहि जाना ।
जेहि दीन पिआरे बेद पुकारे द्रवउ सो श्रीभगवाना ॥
भव बारिधि मंदर सब बिधि सुंदर गुनमंदिर सुखपुंजा ।
मुनि सिद्ध सकल सुर परम भयातुर नमत नाथ पद कंजा ॥
जानि सभय सुरभूमि सुनि बचन समेत सनेह ।
गगनगिरा गंभीर भइ हरनि सोक संदेह ॥
- तुलसीदास रचित, रामचरित मानस, बालकाण्ड-186
|| Sacred Verses ||
Brahmadi Devtaon Dwara Prabhu Shri Ram Ke Avtar Ke Lie Balkand Stuti..
Jai Jai Surnayak Jan Sukhdayak Pranatpaal Bhagvanta ।
Go Dwij Hitkari Jai Asurari Sidhunsuta Priy Kanta ॥
Paalan Sur Dharani Adbhut Karani Maram Na Jaani Koi ।
Jo Sahaj Krpaala Deenadayaala Karu Anugrah Soi ॥
Jai Jai Abinaasi Sab Ghat Baasi Byaapak Paramaananda ।
Abigat Gotitan Charit Punitan Mayarahit Mukunda ॥
Jehi Laagi Biraagi Ati Anuraagi Bigatamoh Munibrnda ।
Nisi Baasar Dhyaavahin Gun Gan Gaavahin Jayati Sachchidananda ॥
Jehin Srshti Upai Tribidh Banai Sang Sahaay Na Dooja ।
So Karu Aghaari Chint Hamaari Jaani Bhagati Na Puja ॥
Jo Bhav Bhay Bhanjan Muni Man Ranjan Ganjan Bipati Barootha ।
Man Bach Kram Baani Chhaadi Sayaani Saran Sakal Sur Jootha ॥
Saarad Shruti Sesha Rishay Asesha Ja Kahun Kou Nahi Jaana ।
Jehi Deen Pyaare Bed Pukare Dravu so Shribhagawana ॥
Bhav Baaridhi Mandar Sab Bidhi Sundar Gunamandir Sukhapunja ।
Muni Siddh Sakal Sur Param Bhayaatur Namat Naath Pad Kanja ॥
Jaani Sabhay Surabhoomi Suni Bachan Samet Saneh ।
|| Doha ||
Gagangira Gambhir Bhi Harani Sok Sandeh ॥
