॥ पावन पाठ ॥
टेर सुगणा पुगल गढ़ माय खड़ी उडावे काग
मावड़ी जायो आवसी म्हारो उदय होवेला भाग
रामदेव भीरा थारी बाईसा काग उडावे म्हारा भीरा
आजा पूगल मेर मै
मावड़ी जाया थारी ओल्यू घणी आवे रोरो सुगणा
थाने बुलावे आकर धीर बन्धा जा रे म्हारा भीर रामदेव
रामदेव भीरा थारी बाईसा काग उडावे म्हारा भीरा
आजा पूगल मेर मै
अलग़ी म्हाने क्यू परणाई काई कसुर म्हारो ज्यू बीसराई
बचपन री प्रीत भुलाई रे म्हारा भीर रामदेव
रामदेव भीरा थारी बाईसा काग उडावे म्हारा भीरा
आजा पूगल मेर मै
जमले मे सुगणा री अर्जी गावे रामापीर वांरी विपदा मिटावे
लहरीदास जस गावे रे म्हारा भीर रामदेव
मूलचन्द सुणावे रे म्हारा भीर रामदेव
रामदेव भीरा थारी बाईसा काग उड़ावे म्हारा भीरा