ਖੋਲ੍ਹ ਮਾਂਏਂ ਬੂਹਾ ਤੇਰੇ ਪਿਆਰੇ ਆ ਗਏ

ਖੋਲ੍ਹ ਮਾਂਏਂ ਬੂਹਾ ਤੇਰੇ ਪਿਆਰੇ ਆ ਗਏ

ਖੋਲ੍ਹ, ਮਾਂਏਂ ਬੂਹਾ, ਤੇਰੇ ਪਿਆਰੇ ਆ ਗਏ,

ਦੇਖ ਤੇਰੀ, ਅੱਖ ਦੇ ਮਾਂ, ਤਾਰੇ ਆ ਗਏ ll

ਘਰ ਵਿੱਚ, ਨਹੀਂਓਂ ਸਾਡਾ, ਦਿਲ ਲੱਗਦਾ l

ਨੰਗੇ ਪੈਰੀਂ, ਮਾਂਏਂ ਤੇਰੇ, ਦਵਾਰੇ ਆ ਗਏ,

ਖੋਲ੍ਹ, ਮਾਂਏਂ ਬੂਹਾ, ਤੇਰੇ ਪਿਆਰੇ.........

ਗਾਵਾਂਗੇ, ਭੇਟਾਂ, ਨਾਲੇ ਚੌਂਕੀ ਭਰਾਂਗੇ l

ਦੁੱਖ ਸੁੱਖ, ਨਾਲ ਤੇਰੇ, ਸਾਂਝੇ ਕਰਾਂਗੇ ll

ਲੈ ਕੇ, ਅਰਮਾਨ, ਕਿੰਨੇ ਸਾਰੇ ਆ ਗਏ ,

ਖੋਲ੍ਹ, ਮਾਂਏਂ ਬੂਹਾ, ਤੇਰੇ ਪਿਆਰੇ..........

ਜੱਗ ਵਿੱਚ, ਲੋਕ ਸਾਰੇ, ਮਤਲਬ ਖ਼ੋਰ ਨੇ l

ਆਪਣੇ, ਬੇਗਾਨੇ ਏਥੇ, ਦੇਂਦੇ ਦਿਲ ਤੋੜ ਨੇ ll

ਮਾਂਏਂ ਤੇਰੇ, ਪਿਆਰ ਦੇ ਹੀ, ਮਾਰੇ ਆ ਗਏ ,

ਖੋਲ੍ਹ, ਮਾਂਏਂ ਬੂਹਾ, ਤੇਰੇ ਪਿਆਰੇ..........

ਚੰਚਲ, ਹੈ ਦਿਲ ਸਾਡਾ, ਤੇਰਾ ਪਿਆਰ ਮੰਗਦਾ l

ਸਾਗਰ, ਏਹ ਕਹਿੰਦਾ ਮਾਂਏਂ, ਕਦੇ ਨਹੀਂ ਸੰਗਦਾ ll

ਲੈਣ, ਤੇਰੀ ਮੇਹਰ ਦੇ, ਨਜ਼ਾਰੇ ਆ ਗਏ ,

ਖੋਲ੍ਹ, ਮਾਂਏਂ ਬੂਹਾ, ਤੇਰੇ ਪਿਆਰੇ,

ਅਪਲੋਡਰ- ਅਨਿਲਰਾਮੂਰਤੀਭੋਪਾਲ