ਦੱਸੋ ਦੱਸੋ ਸਖੀਓ ਕੇਹੜੇ ਵੇਲੇ ਮੱਖਣ ਚੁਰਾਇਆ

ਦੱਸੋ ਦੱਸੋ ਸਖੀਓ, ਕੇਹੜੇ ਵੇਲੇ ਮੱਖਣ ਚੁਰਾਇਆ ll

ਭੋਲ਼ੇ ਭਾਲੇ, ਕਾਨ੍ਹਾ ਨੂੰ ਤੁਸੀਂ, ਐਵੇਂ ਚੋਰ ਬਣਾਇਆ l

ਦੱਸੋ ਦੱਸੋ ਸਖੀਓ, ਕੇਹੜੇ ਵੇਲੇ,,,,,,,,,,,,,,,,,,,,,

ਸੁਬ੍ਹਾ ਸਵੇਰੇ, ਕਾਨ੍ਹਾ ਮੇਰਾ, ਗਊਆਂ ਚਰਾਵਣ ਜਾਵੇ l

ਸਾਰਾ ਦਿਨ ਓਹ, ਗਊਆਂ ਚਰਾ ਕੇ, ਸ਼ਾਮ ਪਈ ਘਰ ਆਵੇ ll

ਹੋ ਗਲ਼ੀ ਗਲ਼ੀ ਵਿੱਚ, ਇਕੱਠੀਆਂ ਹੋ ਕੇ l

ਐਵੇਂ ਰੌਲ਼ਾ ਪਾਇਆ,

ਦੱਸੋ ਦੱਸੋ ਸਖੀਓ, ਕੇਹੜੇ ਵੇਲੇ...

ਨੰਨ੍ਹਾ ਮੁੰਨਾ, ਕਾਨ੍ਹਾ ਮੇਰਾ, ਕਿਵੇਂ ਛਿੱਕੇ ਤੇ ਚੜ੍ਹਿਆ l

ਹੁਣ ਤੁਸੀਂ ਆਈਆਂ, ਦੇਣ ਉਲਾਭਾਂ, ਉਦੋਂ ਕਿਓਂ ਨਹੀਂ ਫੜ੍ਹਿਆ ll

ਹੋ ਝੂਠੀਆਂ ਮੂਠੀਆਂ, ਤੋਹਮਤਾਂ ਲਾ ਕੇ l

ਮੇਰਾ ਮਨ ਤੜਫ਼ਾਇਆ,

ਦੱਸੋ ਦੱਸੋ ਸਖੀਓ, ਕੇਹੜੇ ਵੇਲੇ...

ਦੁੱਧ ਦਹੀਂ, ਮੱਖਣਾਂ ਦੇ ਪੇੜੇ, ਇਸ ਤੋਂ ਦੇਵਾਂ ਵਾਰ l

ਸੋਹਣੇ ਸੋਹਣੇ, ਕਪੜੇ ਪਾ ਕੇ, ਸੋਹਣਾ ਕਰਾਂ ਸ਼ਿੰਗਾਰ ll

ਮੇਰੇ ਘਰ ਵਿੱਚ, ਕਿਸ ਚੀਜ਼ ਦਾ ਘਾਟਾ l

ਕਿਓਂ ਮੇਰਾ ਮਨ ਦੁਖਾਇਆ,

ਦੱਸੋ ਦੱਸੋ ਸਖੀਓ, ਕੇਹੜੇ ਵੇਲੇ...

ਮੱਥਾ ਟੇਕ, ਟੇਕ ਕਨ੍ਹਈਆ, ਸਤਿਗੁਰ ਤੋਂ ਮੈਂ ਲੀਤਾ l

ਏਹ ਮੇਰੀ, ਅੱਖੀਆਂ ਦਾ ਤਾਰਾ, ਇੱਕ ਪਲ ਪਰੇ ਨਾ ਕੀਤਾ ll

ਹੋ ਗਲੀ ਗਲੀ ਵਿੱਚ, ਇਕੱਠੀਆਂ ਹੋ ਕੇ l

ਐਵੇਂ ਰੌਲਾ ਪਾਇਆ,

ਦੱਸੋ ਦੱਸੋ ਸਖੀਓ, ਕੇਹੜੇ ਵੇਲੇ...

ਅਪਲੋਡਰ- ਅਨਿਲਰਾਮੂਰਤੀਭੋਪਾਲ