बाबा आयो रे भादरवो मास

ए हे बाबा आयो रे भादरवो मास,

रुनिचे मारो मन लागो,

मरे उठी रे हिवड़े रे हिलोर... रुनिचे मारो मन लागो,

अजमल जी रा कवर कहावो,

बाई सुगना रा बीर ,

ऐ हे माता मेना दे रा लाल पूजावो,

रानी नेतल रा जीव .... रुनिचे मारो मन लागो.....

बीज भादवा बाबा मेलो भरसी,

दुनिया थारो जय कारो करसि,

ऐ हे .दुखिया रा दुखड़ा बाबो हरसि,

धाम जागे रे हमेश... रुनिचे मारो मन लागो......

लाखो बणजारो बालद लायो,

जुट बोल्यो बाबा लूण बणायो,

ऐ हे हाथ जोड़े शरणा में पड़ियो,

लूण री मिसरी बने.. रुनिचे मारो मन लागो.....

हरजी भाटी बाबा चवर ढुलायो,

धरम तंवर थारो भजन सुनायो,

ऐ हे हेलो मारो सुनो धनी राम देव,

गांव रुनिचे बुलाय.... रुनिचे मारो मन लागो......