॥ पावन पाठ ॥
कमल फूल अवतार लियो है भारी,
गढ़ गोठा केरो नाम सुणो नर नारी।
थारा बीच मंदरिया में नीर भरो है भारी नारायण,
थारा चरण धुलावा सुणो देव अवतारी ।
थारा बीच मंदरिया में गाया खड़ी है भारी नारायण,
थाने दूध चढ़ावा सुणो देव अवतारी ।
थारा बीच मंदरिया में नीम खड़ी है भारी नारायण,
थाने पाती उतारा सुणो देव अवतारी ।
थारा बीच मंदरिया में अरज करू मैं भारी नारायण,
म्हारी लाज बचाओ सुणो देव अवतारी।
कमल फूल अवतार लियो है भारी,
गढ़ गोठा केरो नाम सुणो नर नारी।