ਹੋ ਕੇ ਦਿਆਲ, ਮੇਰੀ ਫੜ੍ਹ ਲੈ ਤੂੰ ਬਾਂਹ ll,
ਮੈਂ ਹਾਂ ਤੇਰਾ ਬੇਟਾ, ਤੇ ਤੂੰ ਹੈ ਮੇਰੀ ਮਾਂ ll
ਤੇਰੀ ਗੋਦੀ ਬਾਝੋਂ ਮੇਰੀ, ਕਿਤੇ ਨਹੀਂਓਂ ਥਾਂ ll,
ਮੈਂ ਹਾਂ ਤੇਰਾ ਬੇਟਾ, ਤੇ ਤੂੰ ਹੈ ਮੇਰੀ ਮਾਂ,,,
ਹੋ ਕੇ ਦਿਆਲ ਮੇਰੀ,,,,,,,,,,,,,,,,,,,,
ਮਾਵਾਂ ਬਿੰਨਾਂ ਬੱਚੇ ਜਾਂਦੇ, ਕੱਖਾਂ ਵਾਂਗੂ ਰੁਲ੍ਹ ਮਾਂ l
ਮਾਂ ਦਏ ਦਿਲਾਸਾ ਤਾਂ, "ਦੁੱਖ ਜਾਂਦੇ ਭੁੱਲ ਮਾਂ" l
ਜਦੋਂ ਮੇਹਰਾਂ ਤੇਰੀਆਂ ਦੀ, ਹਵਾ ਮਾਂਏਂ ਵੱਗੇਗੀ,
ਕੰਡਿਆਂ ਦੀ ਸੇਜ਼ ਵੀ ਮਾਂ, "ਫੁੱਲਾਂ ਵਾਂਗੂ ਲੱਗੇਗੀ" l
ਕਸ਼ਟ ਮੇਰੇ ਹਰੂ, ਤੇਰੀ ਮਮਤਾ ਦੀ ਛਾਂ ll,
ਮੈਂ ਹਾਂ ਤੇਰਾ ਬੇਟਾ, ਤੇ ਤੂੰ ਹੈ ਮੇਰੀ ਮਾਂ,,,
ਹੋ ਕੇ ਦਿਆਲ ਮੇਰੀ,,,,,,,,,,,,,,,,,,,,
ਜਦੋਂ ਮਹਾਂਰਾਣੀਏ ਤੂੰ, ਮੇਹਰਵਾਨ ਹੋਵੇਂਗੀ l
ਲਾਲ ਸੂਹੀ ਚੁੰਨੀ ਨਾਲ, "ਲਾਲ ਲੂਲੂ ਧੋਏਂਗੀ" ll
ਰਹਿਮ ਦਿਲ ਹੋ ਕੇ ਜਦੋਂ, ਏਧਰ ਲਏਂਗੀ ਵੇਖ ਮਾਂ,
ਕਹਿਰ ਦੀਆਂ ਭੱਠੀਆਂ ਦਾ, "ਠਰ੍ਹ ਜਾਣਾ ਸੇਕ ਮਾਂ" l
ਤਾਂਹੀਓਂ ਅੱਠੇ ਪਹਿਰ, ਤੇਰਾ ਜਪਦਾ ਹਾਂ ਨਾਂਅ ll,
ਮੈਂ ਹਾਂ ਤੇਰਾ ਬੇਟਾ, ਤੇ ਤੂੰ ਹੈ ਮੇਰੀ ਮਾਂ,,,
ਹੋ ਕੇ ਦਿਆਲ ਮੇਰੀ,,,,,,,,,,,,,,,,,,,,
ਲਾਉਣ ਦੇ ਏਹ ਮੱਥਾ ਮੈਨੂੰ, ਚਰਨਾਂ ਦੇ ਨਾਲ ਮਾਂ l
ਭੁੱਲ ਜਾਂ ਗਾ ਹੋਰ ਮੈਂ, "ਸਾਰੇ ਹੀ ਸਵਾਲ ਮਾਂ" l
ਜੇਹੜੇ ਤੇਰੀ ਤਾਰ ਨਾਲ, ਤਾਰ ਲੈਂਦੇ ਜੋੜ ਮਾਂ,
ਓਹਨੂੰ ਹੀਰੇ ਮੋਤੀਆਂ ਦੀ, "ਰਹਿੰਦੀ ਨਹੀਂਓਂ ਲੋੜ ਮਾਂ" l
ਤੈਥੋਂ ਨਿਰਦੋਸ਼ ਪਿਆਰ, ਮੰਗਦਾ ਰਵ੍ਹਾਂ ll,
ਮੈਂ ਹਾਂ ਤੇਰਾ ਬੇਟਾ, ਤੇ ਤੂੰ ਹੈ ਮੇਰੀ ਮਾਂ,,,
ਹੋ ਕੇ ਦਿਆਲ ਮੇਰੀ,,,,,,,,,,,,,,,,,,,,
ਅਪਲੋਡਰ- ਅਨਿਲਰਾਮੂਰਤੀਭੋਪਾਲ