॥ पावन पाठ ॥
थे जाणो या ना जाणो सांवरिया,
थारा सु यारी म्हे कर लिया,
थारे नाम का बणास्यू बावरिया,
थारा सु यारी म्हे कर लिया॥
श्याम सुंदर थारी सूरत भायी,
म्हारा मन में है या समाई,
बणाल्यो थारे दर का चाकरिया,
थारा सु यारी म्हे कर लिया॥
जद से नैणा श्याम निहारे,
फीके लागे ये सगले नजारे,
बितावा थारे साथ या उमरिया,
थारा सु यारी म्हे कर लिया॥
मांगा कै कुछ समझ ना आवे,
श्याम मिले कमी रह क्या जावे,
राकेश पाये सांची या डगरिया,
थारा सु यारी म्हे कर लिया॥
थे जाणो या ना जाणो सांवरिया,
थारा सु यारी म्हे कर लिया,
थारे नाम का बणास्यू बावरिया,
थारा सु यारी म्हे कर लिया॥