आ चघाबो फूल गजरा

आ चघाबो फूल गजरा मातेश्री ला,

मातेश्री ला... हो मईया मातेश्री ला,

आ चघाबो फूल गजरा मातेश्री ला......

कोवर कोवर फूल मलनिया, चुनी चुनी लाये,

चुनी चुनी लाये हो मईया चुनी चुनी लाये,

सुघर मुर महामाया बर, गजरा बनाये

गजरा बनाये हो मईया गजरा बनाये,

शृंगार सजाबो हो मईया मातेश्री ला,

आ चघाबो फूल गजरा........

आके माँ के भुवन में, मन हरसाये,

मन हरसाये हो मईया मन हरसाये,

माता के देख मुहरन, हिर्दय वो जुड़ाये,

हिर्दय वो जुड़ाये हो मईया हिर्दय वो जुड़ाये,

दुर्गा मनाबो हो मईया मातेश्री ला,

आ चघाबो फूल गजरा........

फूल हार गजरा गुथेहे, लाने पहिराये,

लाने पहिराये हो मईया लाने पहिराये,

सोभा अगम हे गौतम बरनी ना जाये,

बरनी ना जाये हो मईया बरनी ना जाये,

अर्ज़ी सुनाबो हो मईया मातेश्री ला,

आ चघाबो फूल गजरा मातेश्री ला,

मातेश्री ला... हो मईया मातेश्री ला,

आ चघाबो फूल गजरा मातेश्री ला......