॥ पावन पाठ ॥
कान्हा को जन्मदिन आयो, भगतां को मन हर्षायो,
सारे नाचै दे दे ताल रे, कान्हा को जन्मदिन आयो.......
कोई बणवा केक है ल्यायो,
किने छपन्न भोग लगायो.....-2
कोई सूंठ मसर को आज रे बणवाकै कान्हा ल्यायो,
सारे नाचै दे दे ताल......
कोई भक्त पालणो ल्यायो,
गोपाल है जिसमें बिठायो.....-2
सारे रज कै झुलावै आज रे कान्हा को जन्मदिन आयो,
सारे नाचै दे दे ताल......
कोई भक्त गुब्बारा ल्यायो,
दरबार है दिल से सजायो.....-2
कोई भर कै माखन मटकी रे थारो भक्त साँवरा ल्यायो,
सारे नाचै दे दे ताल......
रवि भजन बणाकै ल्यायो,
और मिल भक्तां संग गायो.....-2
सुनीता कै भी भयो बड़ो चाव रे कान्हा को जन्मदिन आयो
सारे नाचै दे दे ताल......