भक्ता के कष्ट मिटा ज्याइए-॥
म्हारे गाम म गेड़ा बाबा ला ज्याइए।
हरयाणे म गेड़ा बाबा ला ज्याइए।
नारी की अड़ इज्जत कोन्या कोख म बेटी मारै
भ्रूण हत्या न रोको बाबा जै हो बसमै थारै -॥
बेटी न ना मारै समझा ज्याइए-॥
म्हारे गाम.........................
हरयाणे म .......................................
आजकाल गी बीनणी या कुणसी बात बतावै
माँ बाबू न छोड़कै छोरा उसका कहण पुगावै-॥
यो भूल का पर्दा हट्टा ज्याइए-॥
म्हारे गाम .................................
हरयाणे म .................................
जन्म तैं पहलां मारी जावै बेटी का के खोट सै
दान दहेज तैं डरगे सारे लागै प्यारे नोट सै-॥
भक्तां नै दर्श दिखा ज्याइए-॥
म्हारे गाम .....................
हरयाणे म ......................
सुरेश देह्ड़ू हरियाणे न राजी देखणा चाहवै सै
गाम सरोरपर म बालाजी थानै आज बुलावै सै-॥
धरती तैं पाप मिटा ज्याइए-॥
म्हारे गाम .........................
हरयाणे म गेड़ा बाबा ला ज्याइए।