॥ पावन पाठ ॥
सुन के राम के पूजारी तेरी लीला है न्यारी
तेरे दर की रे बाबा मने कर ली से तयारी
करू पूजा मैं तेरी सुबह शाम बाला जी
आके मारो गेडा ते म्हारे गाव बाला जी
मेरे बाला जी महाराज तेरा सालासर राज
आके कर दे ने बाबा मेरा छोटा सा यो काज,
रटू सुबह शाम तेरा नाम बाला जी
आके मारो गेडा ते म्हारे गाव बाला जी
तेरे करे रे शिंगार यो शर्मा परिवार
कद होगा बाबा माने इब तेरा रे दीदार,
तेरी दया से चाले मेरा नाम बाला जी
आके मारो गेडा ते म्हारे गाव बाला जी
तेरा भगवा यो वाना मैंने तेरे दर आना
इब पड़ेगा रे बाबा तने दर्श दिखाना
स्वर्ग से भी प्यारा तेरा धाम बाला जी
आके मारो गेडा ते म्हारे गाव बाला जी
तिनके आला रवि गावे तेरा भगत नचावे
तेरे चरना में बाबा रवि शीश जुकावे
मेरी छाती के माँ बसते सिया राम बाला जी
आके मारो गेडा ते म्हारे गाव बाला जी