॥ पावन पाठ ॥
समझी लेवो रे मना भाई ,
अंत नी होय कोई आपणा ।
समझी लेवो रे मना भाई ,
अंत नी होय कोई आपणा ।
आप निरंजन निरगुणा,
हारे सिरगुण तट ठाढा ,
यही रे माया के फंद में ,
नर आण लुभाणा ,
अंत नी होय कोई आपणा ।
कोट कठिन गड़ चैढ़ना,
दुर है रे पयाला ,
घड़ियाल बाजत घड़ी पहेर का ,
दुर देश को जाणा ,
अंत नी होय कोई आपणा ।
कलू काल का रयणाँ,
कोई से भेद नी कहेणा ,
झिलमील झिलमील देखणा ,
गुरु के शब्द को जपणा ,
अंत नी होय कोई आपणा ।
भवसागर का तीरणा
किस विधी पार उतरणा ,
नाव खड़ी रे केवट नही ,
अटकी रहयो रे निदाना ,
अंत नी होय कोई आपणा ।
माया के भ्रम नही भुलणा,
ठगी जासे दिवाना ,
कहे सिंगाजी पहिचाणजों
दरियाव ठिकाणाँ
अंत नी होय कोई आपणा ।
प्रेषक प्रमोद पटेल
यूट्यूब पर
1.निमाड़ी भजन संग्रह
2.प्रमोद पटेल सा रे गा मा पा
9399299349
9981947823