बुलावो आग्यो राम को
संतों सुरगा सूं आग्यो रे सन्देश
एक मिनट प्रभु म्हाने ड्यो तो करा बेटा सँ बात
डिबला माहि गहना राख्या आपस में लेयो बाँट
बुलावो आग्यो राम को........
एक मिनट प्रभु म्हाने ड्यो तो करा बेटी सँ बात
मायरे की मन में रहगी
बीरा भरेगा थारा भात
बुलावो आग्यो राम को
बुलावो आग्यो राम को
संतों सुरगा सूं आग्यो रे सन्देश
बुलावो आग्यो राम को
एक मिनट प्रभु म्हाने ड्यो तो
करा बहुआं सँ बात
म्हे तो घर ने बाँध के राख्यो
थे अब सम्भालो परिवार
बुलावो आग्यो राम को
बुलावो आग्यो राम को
संतों सुरगा सूं आग्यो रे सन्देश
बुलावो आग्यो राम को
एक मिनट प्रभु म्हाने ड्यो तो
करा पोता सँ बात
दादी जी तो सुरगां चाली
कुण करेगा थारा लाड
बुलावो आग्यो राम को
बुलावो आग्यो राम को
संतों सुरगा सूं आग्यो रे सन्देश
बुलावो आग्यो राम को
एक मिनट प्रभु म्हाने ड्यो तो
करा पती सँ बात
रोळी मेहंदी चावल लेकर
मोत्या सजा ड्यो म्हारी मांग
बुलावो आग्यो राम को
बुलावो आग्यो राम को
संतों सुरगा सूं आग्यो रे सन्देश
बुलावो आग्यो राम को