॥ पावन पाठ ॥
बैठ्यो सजधज कर श्री श्याम बाबा खाटू के मंदिर में
बाबा खाटू के मंदिर में बाबा खाटू के मंदिर में
बैठ्यो सजधज कर श्री श्याम ..................
कोई निरखे श्याम धणी ने कोई नौलख हार मणि ने
कोई निरखे है सिणगार बाबा खाटू के मंदिर में
बैठ्यो सजधज कर श्री श्याम ..................
कोई देखे सूरत थारी जावे सूरत पे बलिहारी
हो लेवे थारी नज़र उतार बाबा खाटू के मंदिर में
बैठ्यो सजधज कर श्री श्याम ..................
थारे मोर मुकुट सर सोहे थारी मुरली मनडो मोहे
हो सोहे रंग बिरंगा हार बाबा खाटू के मंदिर में
बैठ्यो सजधज कर श्री श्याम ..................
दर्शन देवो शीश का दानी आया सुरेश राजस्थानी
हो आयो दोनों हाथ पसार बाबा खाटू के मंदिर में
बैठ्यो सजधज कर श्री श्याम ..................