पालम का छोरा

सारे गाम में दादा तेरा रुका हो रहया से,

यो पालम का छोरा दादा तेरा हो रहया से,

घोड़ा तेरा सफेद सवारी प्यारी लगे से,

तेरी सूरत देख के दादा संकट भागे से,

तेरा सेवक सदा सुखी न धोखा हो रहया से,

यो पालम का छोरा दादा तेरा हो रहया से………….

तेरा जन्मदिन मने दशहरा मेला टाडा भरता,

तेरे दर पे जो आवे तू हाथ शीश पे धरता,

12 गाम झुके धुने पे मौका हो रहया से ,

यो पालम का छोरा दादा तेरा हो रहया से………….

चदर चढे पतासे चढ़ते भेली कोई चढ़ावे,

देसी घी की ज्योत सब तेरा गुण गावे,

जम के नाचो कीर्तन में न टोटा हो रहया से,

यो पालम का छोरा दादा तेरा हो रहया से………….

नही जगह की कमी कई किले में मंदिर तेरा

कहे भूलन मेरे घर में भी मारो दादा फेरा ,

कहे हरीश पालम का छोरा तेरा हो रहया से,

यो पालम का छोरा दादा तेरा हो रहया से…………