॥ पावन पाठ ॥
रुनिचे वाला खम्मा खम्मा ओ थाने मोकळी
अजमल जी रा लाला,खम्मा खम्मा ओ थाने मोकळी
अजमल घर अवतार लियो थे
सकळ देवता भारी
थारा परचा बिलकुल साँचा
जाने दुनिया सारी
रुनिचे रा धनिया,खम्मा खम्मा ओ थाने मोकळी
एक सेठ की नाव भंवर में
थांसू अरज लगाईं
चौपड़ खेलत ध्यान लगायो
पल में करी सहाई
ध्वजाबंद धारी,खम्मा खम्मा ओ थाने मोकळी
ठाकुर थाने याद कर्यो जद
भाग्या भाग्या आया
सांकळ तोड़ी घोड़ो भेज्यो
ठकुरानी जस गाया
सुगणा रा वीरा,खम्मा खम्मा ओ थाने मोकळी
रुणिचा में मंदिर थारो
महिमा सबसे न्यारी
दया राखियो हरदम बाबा
गुण गावे बनवारी
अजमल जी रा कंवरा,खम्मा खम्मा ओ थाने मोकळी
रुनिचे वाला खम्मा खम्मा ओ थाने मोकळी
अजमल जी रा लाला,खम्मा खम्मा ओ थाने मोकळी
संपर्क - 09831258090